لیفٹیننٹ جنرل (ریٹائرڈ) محمد سعید کو واپڈا کا نیا چیئرمین مقرر کر دیا گیا ہے۔ ان کی تقرری کی منظوری وفاقی کابینہ نے 4 اگست 2025 کو دی، اور وہ باقاعدہ طور پر اپنے عہدے کا چارج سنبھال چکے ہیں۔ اس موقع پر وزیرِاعظم شہباز شریف نے محمد سعید کو وزیراعظم ہاؤس میں ملاقات کے دوران مبارکباد دی۔ اس ملاقات میں نائب وزیراعظم اور وزیر خارجہ اسحاق ڈار بھی موجود تھے۔
مزید جانیے.
دس کروڑ کی، 1نمبر والی پلیٹ خریدنے والا مزمل کریم کینسر سے چل بسا.
اسلام آباد،سیلابی ریلے میں بہہ جانے والی لڑکی کی تلاش ختم،غائبانہ جنازہ اداکردیا گیا.
او جی ڈی سی ایل،چاکر-1 ٹنڈو اللہ یار میں خام تیل کے ذخائر کی دریافت.
محمد سعید کا فوجی کیریئر تقریباً چار دہائیوں پر محیط ہے جس دوران انہوں نے کئی اہم عہدوں پر خدمات انجام دیں، جن میں چیف آف جنرل اسٹاف، کور کمانڈر کراچی، آئی ایس آئی میں ڈائریکٹر جنرل (تجزیہ) اور نیشنل ڈیفنس یونیورسٹی اسلام آباد کے صدر شامل ہیں۔ وہ ڈی جی رینجرز سندھ بھی رہ چکے ہیں اور ان کی شہرت ایک نظم و ضبط والے اور حکمت عملی سے بھرپور افسر کے طور پر ہے۔
وزیراعظم نے اپنے اعتماد کا اظہار کرتے ہوئے کہا کہ محمد سعید اپنی پیشہ ورانہ صلاحیتوں اور عزم کے ساتھ واپڈا کو درست سمت میں لے کر جائیں گے۔ ان کی تقرری سے توقع کی جا رہی ہے کہ ملک کے اہم منصوبے جیسے دیامر بھاشا، داسو اور مہمند ڈیم کی تکمیل میں رفتار آئے گی اور توانائی و پانی کے مسائل کے حل میں بہتری آئے گی۔